Até o de agora, os galegos residentes no exterior teñen contribuido decisivamente ao desenvolvemento social e económico da nosa terra. Nos últimos anos, sen embargo, Galicia ten acadado uns niveis consolidados de prosperidade e benestar que a están a transformar en sociedade de acollida para emigrantes retornados e inmigrantes. Atender debidamente ás súas necesidades é un imperativo cívico e moral para todos nós, non só para actuar en xusta reciprocidade, senón como xeito de respectar a nosa propia memoria histórica como pobo.